Si musliman, si qytetar shqiptar, si njeri e prind, në reagim ndaj gjenocidit të tmerrshëm që po ndodh në Gaza të Palestinës, ku po vriten gra e fëmijë, pleq e njerëz të pafajshëm, për shkak të besimit të tyre fetar, në mes të botës, po vriten e masakrohen nga mercenarë e ushtarë amerikanë e britanikë, apo nga mercenarë izraelitë nën komandën e ushtrisë amerikane, me armë e mjete të ofruara nga Shtetet e Bashkuara të Amerikës dhe Mbretëria e Bashkuar, i bëj thirrje Presidentit të Republikës së Shqipërisë, shkëlqesisë së tij z. Bajram Begajm (Bajram Begaj) që:
Republika e Shqipërisë duhet të marrë masa urgjente për të adresuar gjenocidin dhe krimet e luftës së ushtrisë izraelite në Gaza. Edhe pse ne jemi një vend i vogël për nga sipërfaqja gjeografike, reagimi politik i Shqipërisë zyrtare ka rëndësi morale e strategjike.
Si përkujtim e saktësim, ashtu siç ju e dini mirë z. President, Izraeli nuk është shtet real, por një bazë ushtarake britaniko-amerikane, e formuar nga Perandoria Britanike me vendim zyrtar të Qeverisë Britanike në vitin 1917 dhe me miratimin e Mbretit George V, projekt i cili u realizua nga britanikët në vitin 1948. Nuk ka dyshim se qëllimi i formimit të shtetit të Izraelit nuk ka pasur të bëjë aspak me një nevojë politike për të siguruar një strehë sigurie për popullin e shtypur çifut – kjo ka qënë thjesht një alibi britanike, porse ai shtet është formuar nga britanikët dhe amerikanët për të sulmuar muslimanët, për t’i mbajtur ata nën presion permanent politik e ushtarak, dhe për ta përdorur atë si bazë ushtarake dhe qendër spiunazhi për pushtetin britanik kundër muslimanëve, sidomos për të adresuar pushtimin e tyre nga Perandoria Britanike mbas rënies së Perandorisë Osmane.
Kështu që, reagimet kundër barbarizmit ushtarak që po ndodh në Gaza nga mercenarët izraelitë nuk përbën aspak një veprim anti-semitik pasi ai shtet nuk është semitik apo çifut, por një bazë ushtarake britaniko-amerikane, e cila financohet e suportohet nga ata. Ne populli shqiptar i respektojmë të krishterët dhe çifutët, por Izraeli nuk është shtet çifut. Ai shtet po vret e pret në emër të lakmisë dhe babëzisë politike të dy vendeve barbare: të Amerikës e Britanisë së Madhe.
Si reagim ndaj terrorit dhe gjenocidit që po ndodh kundër fëmijëve e grave muslimane në Gaza, me urdhër të drejtëpërdrejtë nga Presidenti Amerikan Joe Biden dhe nga Qeveria e Mbretërisë së Bashkuar, dhe për llogari të tyre ushtarake e strategjike, Republika e Shqipërisë duhet të ndërpres marrëdhëniet diplomatike në mënyrë të përhershme me Shtetet e Bashkuara të Amerikës dhe me Mbretërinë e Bashkuar.
Vendi ynë nuk mund të mbajë marrëdhënie diplomatike e politike me shtete batakçie e me qeveri terroriste, siç janë ato amerikane e britanike. Amerika dhe Britania e Madhe kanë dëshmuar se janë vende të padenja për të merituar sadopak respekt.
Shqipëria nuk duhet të qëndrojë në anën e terroristëve britanikë e atyre amerikanë. Ata janë barbarë. Ata vrasin fëmijë e gra. Ata nuk kanë respekt për jetën e njeriut. Atë që po e bëjnë sot kundër palestinezëve muslimanë, këtë mund ta bëjnë ata kundër nesh nesër.
Gjithashtu, duhet nënvizuar fakti se historia e Amerikës dhe Britanisë së Madhe është histori terrorizmi, shtypje, tiranie, krimesh e vrasjes, puçesh ushtarke, copëtimi shtetesh, shfrytëzimi burimesh natyrore, vrasjesh politike e krimesh çnjerëzore. E vërteta është se nuk ka organizatë terroriste në botë që të mos jetë formuar, suportuar, e shfrytëzuar nga Qeveria Amerikane dhe Britania e Madhe.
Muslimanët kanë vuajtur dhe vazhdojnë të vuajnë nga barbarët amerikanë dhe terroristët britanikë, kështu që Republika e Shqipërisë duhet të distancohet nga bota e terrorizmit dhe barbarizmit, nga bota e luftës dhe korrupsionit, nga bota e shtypjes dhe shfrytëzimit, nga ata që vrasin gra e fëmijë e pleq duke ndërprerë marrëdhëniet diplomatike.
Në të njejtën kohë, ne shqiptarët nuk duhet ta harrojmë faktin e hidhur se diktatori komunist Enver Hoxha u vu në pushtet nga britanikët, dhe gjithë ajo periudhë politike e zezë për popullin tonë ishte si rezultat i britanikëve – i armiqvë tanë. Kjo është edhe një arsye tjetër se pse Shqipëria duhet t’i prishi marrëdhëniet diplomatike me Amerikën dhe Britaninë e Madhe.
Jam i bindur se britanikët dhe amerikanët i njohin mirë shqiptarët. Ata e mbajnë mend mirë disfatën ushtarake që Muhamed Ali Pasha u shkaktoi në fillim të shekullit të 19-të në Egjipt, duke i përzë ata të nënçmuar e të gjunjëzuar. Shqiptarët e Muhamed Ali Pashës iu kanë dhënë një mësim të mirë britanikëve barbarë në të kaluarën, kështu që nuk është e habitshme që shqiptarët edhe sot të tregojnë lartësinë e duhur politike ndaj këtyre kriminelëve, që vrasin gra e fëmijë.
Nuk duhet të harrsoh z. President se ne jemi populli i kryevezirëve të Perandorisë Osmane dhe i gjeneralëve trima që kanë luftuar kundër Evropës barbare. Ne jemi populli i cili i kemi treguar vendin perëndimit të korruptuar e barbar gjatë periudhës së Perandorisë sonë Osmane. Ne sot jemi të pushtuar nga britanikët, të kontrolluar nga ata sepse jemi mundur në vitin 1912, por në ADN-ën tonë e shkuara jonë e lavdishme nuk është zhdukur.
Për ta mbyllur, edhe pse ju jeni në atë pozicion, pra në pozicionin e presidentit të Republikës së Shqipërisë, me vendim të SHBA-ve e të Mbretërisë së Bashkuar, edhe pse ju jeni shkolluar në Shtetet e Bashkuara të Amerikës, kjo nuk ka shumë rëndësi. Ju sot nuk përfaqësoni vullnetin tuaj personal, që mund të jetë jo i drejtë, por përfaqësoni popullin shqiptar.
Atëherë, në emër të popullit shqiptar, ju duhet menjëherë të ndërprisni marrëdhëniet diplomatike me Shtetet e Bashkuara të Amerikës dhe Mbretërinë e Bashkuar për shkak të krimeve të luftës dhe gjenocidit që po bëjnë në Palestinë. Këto vende drejtohet nga qeveri batakçie e barbare, që vrasin e presin në kundërshtim të çdo kodi moral e konvente ndërkombëtare. Amerika dhe Britania e Madhe përbëjnë rrezik real për sigurinë dhe të ardhmen e Shqipërisë. Ne duhet të jemi në anën e drejtë të historisë, jo në anën e terroristëve e barbarëve perëndimorë, që nuk njohin e nuk respektojnë asnjë rregull, ligj, apo kod moral.
Sabri Lushi
09 Nëntor, 2023
